Azienda d’olif a l’asta a Barrali e Samatzai (CA)

IN ASTA Azienda d’olif a Barrali e Samatzai (CA), Strada Statala 128

L'Azienda d’Olif "San Giovanni", che la s’estend per cirche 20 etar, la se troeuva in Sardegna, sui teritori dii Comun de Barrali e de Samatzai in província de Càgliari ed l’è tuta ben delimitada e recintada.
A l’azienda gh’se riva de tri ingress separaa traméz una strada interpoderala directament colegada a la Strada Statala 128, che la porta de Càgliari vers l'impurtant center de la Trexenta de Senorbì, ed l’è in part visibila de la medesima Strada Statala con la quela la confina in part.
Tücc i dacc catastai relativ a l'azienda hinn riportaa in la perizia consultabila su richiesta via PEC.
L'azienda in oggett la gh’ha un avviament de trent’ann, per quaj i piant hinn in la fase de piena produtività; infatt, mediament, i piant d’uliv riva a la massima maturità struttürala e biologica dopo i 50 ann e restan produttiv per tant ann aun.
Essend un'azienda in "Lot Biologica" la gh’ha faa in del cors di ann tratament domà natural.
Dent in l'azienda gh’emm cirche 5.000 piant, dii qual cirche 400 longh el perímetr de confìn e 250 in la part collinara.
I alter piant d’uliv present in azienda hinn cirche 700 de la qualità dita "Bosana" e alter 3.500 de la qualità "Tonda de Càgliari", cognossuda anca come "Nera de Gonnos".
El racolt el pö vess ütilizaa tant per la produzion d’öli d’oliva quant per la produzion d’uliv da tàula.
El potenziàl de produzion per uliv nazionai matur e curàa normalment el oscila in media tra i 30 e i 60 Kg per pianta a l’ann, con punte anca de 80-90 Kg in annad particolarment favorévol, e la resa d’öli la varia tra i 4 e i 12 litri d’öli semper per pianta, valutand una resa media de produzion del 15-20% del pes di uliv.
L’è però de tegnì present che de solit l'uliv l’alterna un’annada de piena carica a un’annada con produtività ridücida  e che l’è semper racomandada la cura atenta de l'azienda, facend una potadura anuala giösta e doprando prodott natural adatt per la difesa di parassit, come la mosca de l'uliv, inset varii e fungh.
A quist proposit gh’è anca de notà che la Region Sardegna, dop una domanda apòsta e verifica di requisit normativ, la conced contributi impurtantíssim per la realisazion di òper de potadura necessarii.

Considerand el nòster cas specific, i piant de la qualità dita "Bosana" hinn naturalment de produtività molto alta, che la pö rivà anca a 40-50 Kg d’uliv per pianta de media, con un períod natural d’alternanza de produzion (un ann particolarment carich e vun con produtività ridücida).
La so resa d’öli l’è però piötost alta, e storicament la se tégn tra el 17% e el 18%, con punte del 20% a maturazion tardiva, e la produzion d’öli la gh’è stimada in cirche 7-10 litri d’öli per pianta.
La "Bosana" la produz un öli extravergin de gran preg, caratterizaa da un frutaa de gust medi-intens con tipiche note de carciof e card.

La varietà "Tonda de Càgliari", vöeur dì la "Nera de Gonnos", l’è una varietà che la pö avé un dopi impiego: infatt la ven ütilizaa tant per la produzion d’un òtim öli extravergin, quant come uliv da tàula, pròpi grazi ai so grand dimension e a la so polpa.
La pianta, a cirche 30 ann, la produz tra i 35 e i 50 Kg d’uliv a l’ann e la so produzion la gh’è pü costanta rispetto a la "Bosana".
Perché la so acqua de vegetazion la resta intrapolada in la polpa carnosa de la drupa, la so resa media la se tégn de solit in gir al 14%-15%, con una produzion d’öli stimada in cirche 5-7,5 litri d’öli per pianta.
La "Nera de Gonnos" la produz un öli pü dóls e delicàa rispetto a la "Bosana", con frutaa légger, indicàa per chi el vöeur mìa i sapor pü decìs.
Spess i do tip de piant se pö troà dent del medesim ulivet, perché la "Tonda de Càgliari" l’è un òtim impolinador de la "Bosana" e insèma i crean una sinergia ambiental perfetta.

Dent de l'azienda d’olif "San Giovanni" hinn dislocaa in la part collinara un capanon de cirche 116 mq adibì a "cà agricola" e un capanon de cirche 117 mq dopraa come depòsit principàl; in bass gh’emm una vasca d’acümul de l’acqua di pözz de cirche 60.000 lt, du depòsit per atrezzi de cirche 25 mq, du gabin servìzi de 7 mq l’ün e l’alter e 11 pal elettrich.

Per pü informazion l’è pussibil domandà ulteriur documentazion a l'indirizz pec [email protected]